Zapatu goizean; infantil, kadete eta juniorrek jokatu zituzten partiduak eta arratsaldean, berriz, senior mailakoek. Domekan, aldiz, alebinak eta benjaminak izan dira protagonista eta hauen ostean, kirol egokituko erakustaldia ere izan da, besteak beste.
Balorazio bikaina
Marian Mellado Bergarako saskibaloi saileko presidentearen esanetan: "Eguraldi ona egin digu eta oso ondo joan da guztia. Zapatu goizean ume asko batu ziren plazan, eta hori da gure helburuetako bat, umeek disfrutatzea. Partaidetzari dagokionez, San Juanak izan arren, 60 talde izan dira jokatzen, eta ea datorren urtean talde gehiago izaten ditugun…"
