Balkoiko jardinera habia bihurtu eta zortzi arrautza errun ditu ahate batek

Duela hilabete, Bergarako bizilagun batzuek harrituta ikusi zuten beraien balkoiko jardinera batean ahate batek habia egin zuela. Etxebizitza errekaren ondoan dago kokatuta, eta ahateak bere habia jartzeko leku ona zela ikusi zuen antza.

Balkoiko jardinerako lurraz eta ihartuta zegoen landare baten adartxoez baliatu zen ahatea bere habia egiteko. Egun gutxiren buruan habia gertu zeukan eta orduan arrautzak erruten hasi zen; egunean bat, zortzi jarri arte. Orain ahatea bertan egoten da, arrautzak zaintzen, ahatekumeak jaio artean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.