Maiatzaren 25ean jarriko dira salgai Pentekoste jaietako herri bazkarirako txartelak

Jokin Guridi 2017ko mai. 19a, 12:49

Hurrengo ostegunean jarriko dira salgai 12 eurotan herri bazkarirako 690 txartelak eta egunean bertan Udal Pilotalekuan eta ekainaren 1a arte Kirol Zerbitzuan egongo dira eskuragarri.

Bergarako Pentekoste Jaietako astelehenean, ekainaren 5ean, egingo den herri bazkarirako txartelak maiatzaren 25ean, ostegunean, jarriko dituzte salgai. Egunean bertan Udal Pilotalekuko leihatilan erosi ahalko dira 18:00tatik 21:00ak arte eta ondorengo egunetan, ekainaren 1era arte, Kultura Zerbitzuan eskuratu ahalko dira ordutegi berean. Pertsona bakoitzak gehienera 6 sarrera erosi ahalko ditu eta guztira 690 lagunentzat tokia egongo da.

Jaietako asteleheneko bazkaria San Martin Plazan egingo da 14:30tan eta euria eginez gero Seminarioko karpara mugituko dute. Bazkariaren prezioa 12 eurotakoa da eta menua eta guzti aurreratu dute Bergarako Udaletik. Hasteko, entsalada mistoa eta otarrainxkak izango dute bertaratzen direnek eta bigarren plater bezala basatxerri saiheskia. Tarta, kafea eta ura ere prezioaren barne izango dira. Alergia kasuren bat duten eta herri bazkarira joan nahi duten herritarrek Kultura Zerbitzura, 943 77 91 59 telefonora, deitzeko aukera dute menua beraien beharretara moldatu daitekeen ikusteko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak