Hannoverreko forja tresneriaren azokan izango da Lazpiur

Enpresa bergararra sektoreko liderra da merkatu-hobi horretan Alemanian, eta herrialde hau, era berean, munduko bigarren indartsuena, Txinaren atzetik. Apirilaren 24tik 28ra bitartean ospatuko duten Hannover Messe azokan Bilboko Ganberak koordinatutako gunean stand bat jarriko du Lazpiurrek.

Hannover Messe azokan 70 herrialdetako enpresen 6.500 stand baino gehiago elkartuko dira; izan ere, munduko industria azokarik garrantzitsuena da. Lazpiurrek bertan jarriko duen standean bere produktu-gama guztia izango du ikusgai, tartean, hotzean forjatzeko azken teknologia darabilen tresneria.

Mercedes, Volkswagen edo Ford bezalako bezero garrantzitsuekin lan egiten du Bergarako enpresa honek. Enpresa ertaina den arren, Hannoverko azokan mundu mailako korporazio handiekin batera izango da. Lazpiurren uste dute haien "katalogo zabala aurkezteko aukera" izango dela azoka horretan parte hartzea. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.