Bergarak pausu bat gehiago, Ohorezko Erregional mailara bidean

Mahoneroek 0-2 irabazi dute Zestoan –Christian Rodriguezek sartu zituen bi golak; bigarrena, 50 metrotik–, eta, Urolak golik gabe berdindu du Beasainen kontra. Emaitza horiek aintzat hartuta, eta liga bukatzeko hiru jardunaldiren faltan, bergararrek, zazpi puntuko aldea dute. Geroz eta gertuago dute igoera.

Getariako, Ilintxa eta Mondra dira Bergarari geratzen zaizkion aurkariak. Bederatzi puntu jokoan eta zazpi puntuko aldea Urolarekiko. Akatsen bat egiteko tartea ere badute, baina, igoera, euren esku dago. "Bi berdinketa edo garaipen bat nahikoa dugu igoera lortzeko. Ea bada, etxeko hurrengo partiduan lortzen dugun", diote taldeko ordezkariek.

Aste Santuko oporrak dituzte azken txanpako hiru partiduak prestatzeko. Hurrengo jardunaldia Agorrosinen jokatuko dute, hilaren 30ean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.