Pilotalekura sartzeko sarrera beharrezkoa izango da, nahiz eta sarrerok doan izango diren. Astelehenean, apirilak 3, hasiko dira banatzen Agorrosinen, 17:00etatik aurrera, eta nahi duenak bertan jaso ahal izango ditu. Pertsonako sei sarrera hartu ahal izango dira gehienez.
Apirilaren 9an 17:00etan izango da jaialdiko lehen partidua, eta pilotalekuko takilak ordu erdi lehenago irekiko dituzte. Final handia 18:00ak aldera hasiko da.
Zabalotegiko emanaldiak bertan behera
Partiduaren ondorioz, egun horretarako Zabalotegi aretoan aurreikusitako emanaldiak bertan behera geldituko dira, "Udalak dei egiten baitie herritar guztiei Rezusta animatzera joateko".
