'The Armed Man' obra taularatuko du bihar Bergarako Orfeoiak

Bergarako Orfeoiaren emanaldi bat.

Gerraren eta bakearen gaineko hausnarketa sakona izan nahi du, biharko, zapatua, Udal Pilotalekuan (20:30) Orfeoiak antolatu duen emanaldiak.

Sarrerak hamar eurotan eskura daitezke Pikupek Artekalean duen bulegoan, leihatilan bihar –19:00etatik aurrera– eta on line ere bai: Pikupe.com eta Kutxabank.es atarietan.

Karl Jenkinsek konposatutako obra da bihar eskainiko dutena. "Bakearen aldeko meza moduan dago planteatuta eta hamabi pieza interpretatuko ditugu", azaldu du Karlos Etxanizek, Orfeoiko presidenteak. Orfeoiaz gainera, Orfeoi Gazteak, Intxorta 1937 Kultur Elkarteak eta Candem Town dantza akademiak hartuko dute parte. Era berean, emanaldi horretarako antolatutako zortzi musikariz osatutako ganbera-orkestra ere taularen gainean izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.