Bergara kirol elkarteko gizonezkoen talde nagusiak mailaz igotzeko borrokan jarraitzen du, eta, hortaz, asteburu honetan ere partidu garrantzitsua dauka, Agorrosinen, gainera. Zapatuan izango da neurketa hori, 17:00etan hasita, eta Azpeitiko Lagun Onak taldearen bisita jasoko dute.
Zaleen laguntza
Bergara Kirol Elkarteko zuzendaritzak eskerrak eman nahi izan dizkie joan den asteburuan Soraluzera mahoneroak animatzera joan ziren guztiei, "izugarria izan bai zen Ezoziko harmailak bergararrez gainezka ikustea". "Beste behin, lehen mailako afizioa dugula argi geratu da, eskerrik asko", adierazi dute.
Era berean, herritarrei dei egin diete asteburu honetan ere Agorrosinera gerturatu daitezen.
