Guztira, bost ekintza izango dira Mendi Astean eta denak Irizar Jauregian izango dira arratsaldeko 19:00etan. Martxoaren 15a denez 75.urteurrena, egun horretan ekingo diote ekintzen hasierari.
Egitaraua
Martxoaren 15ean: Miguel Angel Elkoro Berezibar Pol-Pol Mendizale Taldearen lehen urteen argazkiak eta filmak aurkeztuko ditu. Amaia Aranzabal ere izango da hitzorduan, 8.000 bat igo zuen lehenengo emakume euskalduna da bera eta bere bizipenak azalduko ditu.
Martxoaren 19an: Azkarate-Bergara mendi irteera goizean, eta ondoren bazkaria, musikaz girotuta.
Martxoaren 21ean: Beat Proyect filmaren emanaldia izango da Mikel Uribesalgoren eskutik. Eskaladan ibilitako gizon hau, Nepalen egon da eta filmaren ostean bere bizipenak kontatuko ditu.
Martxoaren 23an: Islandia, odisea y supervivencia filmaren emanaldia izango da.
Martxoaren 26an: Udal bandak kontzertua joko du frontoian, honetan Pol-Pol martxa joko dute.