Herriko zuhaiztietan askotariko lanak, datozen egunotan

Udaleko brigadako langile bi arbola berri bat landatzen Bideberrin, 2014an.

Bihar, martxoak 7, Irizar kaleko zuhaitz bat lekuz aldatuko da eta eguenean zein egubakoitzean Arrizuriaga kaleko ezki handia kimatuko da. Azken lan horiek burutu ahal izateko, eguenean zein egubakoitzean, kaleko aldapa zirkulazioarentzat itxi egingo dute: "Neurri txiki hauekin herriko ingurumena eta zuhaiztia mantendu eta hobetzeko pausoak ematen jarraitzen du Udalak", adierazi dute ohar bidez.

Bergarako Udalak "ezinbestekotzat" jotzen du zuhaitzak hirigunean izatea, horiek bizi kalitatea bermatzen dute-eta. Horregatik, zuhaitzen garapenerako aukerak eskaintzen jarraitu eta egin beharreko ekintzak burutzeko konpromisoaren baitan, hainbat lan egingo dira hurrengo egunetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.