Rezustak etxean jokatuko du egubakoitzean

Iturria: Aspe

"Lehen, Bergarako pilotalekuan, asko jokatutakoa naiz, orain kosta egiten zait jokatzea" esan du Rezustak. Pilotaleku zaila dela dio bergararrak, "kosta egiten zait bertan jokatzea pilotaleku azkarra baita". Gainera, azkenaldian Bergaran ez dituela partidu "onak" egin dio Aspeko pilotariak.

Rezusta eta Irribarria bikoteak Urrutikoetxea eta Imaz izango dituzte aurrez-aurre Bergarako pilotalekuan ostiral gauean, azken hauek eskuz binakako finalaurrekoan sartzea dute helburutzat. Rezusta eta Irribarriak berriz, finalaurrekoetara sailkatzeko segurtasunarekin jokatuko dute. Hala ere, "tentsioa" mantenduko dutela esan du Rezustak, "guk ez daukagu ezer jokoan, baina finalaurrekoa jokatzeko gelditzen zaizkigun partiduak galtzeak zalantzak eta sentsazio txarrak sortzen dizkizu".

Beñat Rezustak beraien buruagatik lehiatuko direla esan du eta gero "enpresako beste bikoteei lagundu ahal badiegu are hobeto".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.