Bergarako istripuan zauritutako motor-gidaria hil egin da

Kamioi baten eta motor baten artean izan da istripua gaur, 07:30ean, Bergaratik Eibarrerako saihesbidean. Gasteizko Santiago ospitalera eraman dute motor-gidaria, baina 38 urteko gizonezkoa hil egin da zauri larrien ondorioz.

BMW R1200 markako motorrak eta Mercedes Benz 817 kamioiaren artean izan da istripua, Osintxutik gertu. Aurrez aurre egin dute talka biek eta motor-gidaria kamioi azpian geratu da. Ondorioz, zauri larriak izan ditu eta hil egin da 38 urteko Leongo gizonezkoa. Kamioi-gidariak, 58 urteko Haroko bizilagunak, zauri arinak izan ditu eta Debagoieneko ospitalera eraman dute.

Istripu larri horren nondik norakoak aztertzeko ikerketa abiarazi du Ertzaintzak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.