Kromo bilduma bukatzen duten lehen hamarrentzat izango da saria

Zuzendaritzak, kanpainako arduradun Gorbeat Sport enpresarekin batera, erabaki du bukatutako lehen hiru bildumak beharrean lehen hamarrak saritzea. Kromo salmentak aste batzuk gehiago jarraituko du, amaiera datarik oraindik zehaztu gabe, ahalik eta jende gehienak bilduma amaitu dezan.

BKEko futbol jokalarien kromoak Tximeleta, Goxoak eta Sorgintxo gozoki dendetan, Bule, Depor eta Arkupe tabernetan, Osintxuko dendan eta Agorrosingo futbol zelaiko kantinan daude salgai. Gaztetxoei eta ez hain gaztetxoei bilduma bukatzen laguntzeko, aste honetarako ere kromo aldaketak deitu ditu zuzendaritzak. Zapatu arratsaldean, Ohorezko jubenil taldeak jokatuko duen partidua aprobetxatuz, 16:30ean izango da hitzordua Agorrosingo futbol zelaian, eta igande goizean 11:30ean Ohorezko kadetearen partiduan, zelai berean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.