Udaberri txapelketa gaur eta lau t'erdikoa martitzenean

Pilota partidu bakarra jokatuko da asteburuan Udal Pilotalekuan. Udaberri Txapelketaren barruan, nagusien bigarren mailan, Belokiko pilotarien kontra jokatuko dute Bergarako Jon Perezek eta Harri Oterminek. 19:30ean hasiko da.

Martitzenean, berriz, Soraluce txapelketako bigarren jardunaldia jokatuko da, lau t'erdian. Oskar Lerena eta Josu Zezeaga izango dira aurrez aurre promes mailan, eta Eneko Labaka eta Iraitz Zubizarreta nagusietan. 19:30ean hasita, beraz, txapelketako etxeko ordezkaria, Zezeaga, lehian ikusteko aukera, besteak beste.

Bailarako beste ordezkariak, Ander Murua arrasatearrak, galdu egin zuen lehen jardunaldian 22-17 Arangurenen kontra. Hori promesetan; nagusietan, berriz, Peru Labakak 22-20 irabazi zion Pradori.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.