Ideia lehiaketako proiektuak ikusi eta bozkatzeko aukera

Aste honetako eguaztenean amaitu da Bergarako Udalak herriko bizi kalitatea hobetzeko proiektuak jasotzeko antolatutako ideia lehiaketa. Bada, orain proiektu horiek Aroztegi aretoan ikusgai jarriko dituzte, martitzenetik (otsailak 7) domekara (otsailak 12).

Aroztegi aretoko erakusketa horretan, herritarrek gustuko izan dituzten proiektuen aldeko botoa emateko aukera izango dute. Hala,  lehiaketa honetarako eratutako epaimahaiaren balorazioak %50eko balioa izango du sariak erabakitzean, eta herritarrenak beste %50a.

18 proiektu jaso dituzte Udalean, eta guztiak izango dira ikusgai Aroztegin, adin kategoriaren arabera sailkatuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.