Errege Seminariora argindar sarea eramateko lanak bigarren fasean sartu dira. Hala, Seminarioko argindarra epaitegiko transformadore gunearekin lotu behar da eta, hori egiteko, beharrezkoa da kanalizazioa egitea bi eraikinen artean.
Abenduan egindako lanei esker, lehen fasea amaitu zen eta, bertan, Seminariotik Komenio kalera arteko obra burutu zen.
Gaur bigarren faseko lanak abiatu dira: Komenio kalea eta epaitegia arteko zatikoak. Lanek hiru aste iraungo dute eta, bitartean, hainbat aldaketa izango dira. Batetik, hiru aste hauetan Komenio kalea autoentzat itxita egongo da; ez, ordea, oinezkoentzat. Bestetik, Komenio kaleko edukiontziak plazara mugitu dituzte; izan ere, kanalizazio lanekin edukiontziak biltzeko kamioiak ezingo luke sartu.
Seminariotik epaitegirako kanalizazio lanak Excavaciones Gabika enpresari esleitu dizkiote, eta, guztira, 66.404,80 euroko aurrekontua dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
