Hutsik dituzten etxebizitzak uzteko eskatu die Udalak herritarrei

Udal ordezkariek bilera egin dute Boluko bizilagunekin eta horietako hainbat etxera itzuli ahal izango dira gaur bertan. Lur-jausiaren mingainaren parean daudenek, ostera, etxetik kanpo jarraituko dute, 57 (ezkerrekoak), 59, 61 eta 63koek, hain zuzen ere.

Azken zehaztasunen berri eman diete Udal ordezkariek bizilagunei, eta batzuek berri pozgarria jaso dute: 49 zenbakitik hasi eta 57ra (eskumakoak) artekoei etxera itzul daitezkeela esan diete. 57 ezkerrekoak, 59, 61 eta 63koak ezingo dira oraindik itzuli; hori bai, euren ondasunen bila joaten utzi diete suhiltzaileen laguntzarekin.

Familia horiek orain bizitzeko lekua behar dute. Gaurko gaua pasatzeko lekua bideratu dietela jakinarazi dute Udal ordezkariek: "Bihartik aurrera bilerak egingo dira Gizarte Zerbitzuekin familia bakoitzaren ezaugarriak aztertu eta irtenbide egokiena emateko asmoarekin". Horren harira, Udalak bergararrei dei egin die etxebizitza hutsak izanez gero beharra dutenentzat uzteko. Horretarako Gizarte Zerbitzuetara deitu behar da (943-77 91 65).

Lehentasuna bizilagunei arreta ematea izan dela berretsi du Elena Lete alkateak: "Atzo luizia izan zen momentutik, etxe bat izatea zen premiazkoa. Gaur egoera baloratu ondoren adituekin, egoeraren berri eman eta beharrezkoa zutenari irtenbidea ematen saiatu gara. Une honetan, inoiz baino gehiago, bergararrok solidaritatea erakutsi behar dugu eta horregatik, dei egiten zaie etxebizitza hutsak dituzten jabeei, etxe gabe gelditu direnei uzteko".

Behin bizilagunen beharrak aseta luizia izan den maldaren egonkortze lanak etorriko direla iragarri dute. Garbiketa lanekin dihardutela adierazi du Letek, eta halako hondamendirik berriro gerta ez dadin jarraipena egingo diotela maldari.

Boluko bizilagun batzuk udaletxeko osoko bilkuren aretoan.

Erlazionatuak

"Bizilagunei arreta ematea da lehentasuna"

Bergara

Elena Lete Bergarako alkatea eta Markel Olano diputatu nagusia Boluan izan dira, luizian nondik norakoak jarraitzen, eta besteak beste "egoeraren b...
"Bat-batean mendia erortzen ari zela ikusi nuen"

Bergara

Boluko bizilagunek beldurtuta jarraitu zituzten atzo iluntzean gertatutakoak. Bertara gerturatu ziren asko, lur-jausiaren berri izan orduko eta men...
Mendiaren eta etxeen egoera aztertzen dabiltza teknikariak Boluan

Bergara

16:00etan egingo dute bizilagunekin batzarra udal ordezkariek udaletxeko osoko bilkuren aretoan. Bizilagun ugari euren etxeetara sartu ahal izan di...
Luizia eta ondorengoak argazkitan

Bergara

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.