Sortuk birfundazio bilera irekia eta gudariei omenaldia antolatu ditu zapaturako

Joan den astean aurkeztu zuten Sorturen birfundazio prozesua

10:00etan, alderdiaren berreraketa prozesuko lehen eztabaida saioa egingo dute Aranzadi ikastolan. Ondoren, 13:00etan, duela 80 urte tropa faxistak Bergaran sartu zirela-eta, orduko borrokalariak omenduko dituzte.

Goizean, pasa den astean aurkeztu zuten Sorturen birfundazio prozesuaren baitako Bergarako lehen eztabaida saioa egingo dute. 10:00etan Aranzadi ikastolan elkartuta, prozesuari bruzko azalpen bideo bat emango dute lehenik, eta ondoren eztabaida irekiko dute, militante eta herritarren iritziak eta ekarpenak jasotzeko. Deitzaileek gogorarazi dute batzarra irekia izango dela eta "bere burua Ezker Abertzalekotzat duen edonork" parte hartu dezakeela.

"1936-2016. Izan zirelako gara"

13:00etan, berriz, omenaldia egingo diete duela 80 urte tropa frankisten aurka borrokatzen bizitza eman zuten gudari eta milizianoei. Horrez gain, "diktaduran eta sasi-demokrazian gure herriaren askatasunaren alde borroka egin zein bizitza eman zutenak" ere izango dituzte gogoan.

Sortutik azaldu dutenez, ekitaldian memoriaren arloan lanean ari den herritar batek eta gudari baten senideek parte hartuko dute. Beraiek izango dira dantzari, musikari eta herritarren omenaldia jasoko dutenak.

Hala, herritarrei omenaldira etortzeko deia egin diete.

Erlazionatuak

Sorturen birfundaziorako landutako 'Zohardia' ponentzia aurkeztu dute Bergaran

Bergara

Martxan da Sortu alderdiaren birfundazio prozesua, eta atzo azaldu zituzten Bergaran birfundaziorako aurkeztu den ponentzia bakarraren, Zohardia-re...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.