Zientziaren Astearen barruan, aurten ere Bergaran ospatuko da euskal zientzialarien "zaindari apokrifoa", bost minutuko bakarrizketa zientifikoz osatutako ekitaldi baten bidez.
Hauek izango dira hizlariak:
- Ibon Cancio Uriarte.
- Miren Karmele Gomez Garmendia.
- Uxoa Iñurrieta Urmeneta.
- Edu Lartzanguren Urdangarin.
- Ainhoa Latatu Nuñez.
- Josu Lezameta Larrabeiti.
- Josu Lopez Gazpio.
- Idoia Torregarai Martija.
Gidari-lanetan, berriz:
- Alaitz Otxoa de Eribe Agirre Elhuyarreko kidea.
Ekitaldiaren izena eta lekua ez dira kasualitatea, Bergarako seminarioan isolatu baitzuten Elhuyar anaiek wolframa, euskal zientziak taula periodikoari egin dion ekarpena. "Wolfram Deuna jai-giroan zientziaz gozatzeko aukera aparta izango da, eta denok gonbidatuta zaudete" diote bultzagileek, Bergarako Udalak, Laboratorium museoak eta Elhuyar zientzia elkarteak.
Umorezko zientzia-hitzaldi hauek, "dosi homeopatikoetan", Bergarako Aroztegi aretoan izango dira, azaroaren 10ean, eguena, 19:30ean
Aurretik, gainera, Laboratorium museora bisita gidatua egiteko aukera izango da, 18.30ean.
Biak, bisita eta hitzaldiak, ekitaldi irekiak dira, doakoak, eta ez dago izena eman beharrik.
