Senideen topaketa egin dute gaur Bergarako Mizpirualde egoitzan. Topaketen helburua izaten da bertan lan egin edo egoitzagatik zerbait egiten dutenak elkartu eta elkarrekin ondo pasatzea. Gainera, egoiliarrengatik lan egiten dutenak omentzea ere bada helburua eta gaur, Altsasu elkartearen txanda izan da.
Izan ere, 35 urtetik gora daramatza Altsasu elkarteak urtero urtero Mizpirualdeko egoiliar guztiak bazkari batera gonbidatzen. Altsasu elkartean egiten dute bazkari hori eta Mizpirualdeko egoiliar guztiak joaten dira bertara. Ekainean egiten dute hori, eta oraingoan, lan hori errekonozitzea erabaki du egoitzak. Ondoren, danborrada egin dute egoitzan bertan eta musikaz gozatu eta pintxoak jateko aukera ere egon da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.