Bergarako San Martin jaiak 2016

San Martineko azokako lau sari, Debagoienerako

Aurreikusten zen bezala, euripean egin dute San Martineko azoka Bergaran, eta leku berrian, Oxirondo plazan, San Martin plazan izan beharrean. Sari guztietatik lau bailaran geratu dira.

Saridunak hauek izan dira:

Barazki lehiaketa

  1. Tomas Larrañaga, Lapatza baserria, Antzuola
  2. Esozi Etxeberria, Arizaga baserria, Soraluze
  3. Berdinduta: Eskubaratz, Sagastizabal baserria, Bergara; eta Carmen Etxeberria, Etxague azpikoa baserria, Bergara

Fruta lehiaketa

  1. Urtza Sarrionandia, Igorre
  2. Kontxi Izagirre, Antzuola
  3. Sonia Isasi, Iurreta

Gazta lehiaketako saridunak ez dira azokan izan; gaztak bereziki ekarri dituzte azokako lehiaketan parte hartzeko, baina azokan salgai ere ez dira izan.

  1. Azkarra. Galarreta, Araba. 309 puntu
  2. Patxi Lopez Uralde. Larrea, Araba. 308 puntu
  3. La Leze. Ilarduia, Araba. 304 puntu

Leku aldaketa eta eguraldi txarra izan dira, bestetik, aipagarri. Hala ere, jende dezente ibili da azokan eta saltzaile gehienak ere gustura azaldu dira.

Barazki, fruta, gazta, ogi, gozo, belar eta ukendu postuez gain, talo eta odoloste postuak ere izan dira.

Arratsalde partean, giro onak jarraituko du Munibe plazako txosna inguruan, Xaxau konpartsaren eskutik; 18:00etan elektrotxarangaren saioa izango da, poteoa girotzeko, eta 23:00etan, Asea eta The Riff Truckers-en kontzertuak.

Erlazionatuak

San Martin azoka

Bergara

Erraldoiak eta txosna San Martin jaietan

Bergara

San Martinetako danborrada

Bergara

Euriak ez du erabat zapuztu, nahiz eta bai zaildu eta desitxuratu, azkenaldiko danborradarik jendetsuena. Hemen Bergarako San Martin jaietako nagus...
Ateri eutsi dio eguraldiak haurren danborradan eta umeak pozik irten dira

Bergara

Haur eta gaztetxoak deseatzen zeuden gaurko eguna iritsi eta danborradan irteteko eta ez du euririk egin umeak kaleetan danborrak jotzen ibili dire...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.