Lanuzteak egingo dituzte Arcelor Mittaleko langileek

Bergarako  Arcelor Mittaleko enpresa batzordeak geldialdiak deitu ditu irailaren 21erako, protesta gisa.

ELAk prentsa ohar bidez esan duenez, “paroak egiteko arrazoiak ugariak dira, baina batez ere zuzendaritzak uko egin diola hileroko bilerak egiteari eta lan osasun mailan izugarrizko utzikeria dagoelako”. Horrez gain, ELAren esanetan, “giza baliabidetako arduradunik ez dagoela salatu beharra dago eta egunero sortzen diren arazoei irteera eman ezinik” daude.

Enpresa batzordeak dio urtarrila ezkero ez dutela ohiko plenorik izan, lan osasunerako arduradunik ez dagoela izendatuta eta bilerarik ez dela egin.

Hori dela eta, irailaren 21ean, txanda bakoitzean ordu bateko geldiunea egingo dute, eta ez dute baztertzen “beste mobilizazio batzuk” egitea “enpresaren jarrera aldatzen ez bada eta Bergarako etorkizuna bermatzeko pausorik eman ezean”.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.