Bilkura eta manifestazioa egin dute Bergaran, Gaztelu gogoan. 19 urte daramatzala espetxean salatu gura izan dute, eta era berean, euskal preso eta iheslariak etxeratzeko eskatu. Bertsolari eta txalapartariak lagun, hainbat herritarrek egin dute bat horrekin.
Herriko plazan elkartu dira eta gero kaleetan manifestazioa egin dute. Bukaeran Josu Uribetxeberriak, Gazteluren lagunak, Ametsen libururako idatzitakoa irakurri dute.
Gaztelu gogoan egingo duten ekitaldi bakarra ez da izango. Domekan, uztailak 3, argazki masiboa aterako dute San Martzialen, 13:30ean. Erromeria giroa aprobetxatuta herritarrak elkartu gura dituzte horretarako.
Eta martitzenean, uztailaren 5ean, Ametsen liburua aurkeztuko du Jokin Urainek, Kixkur, gaztetxean, 19:00etan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.