Reyes Azkoitia haserre agertu da. "Berriro ere lotsagarria" deritzo "Udalak frontoiari ematen dion erabilpenari". Pilotan "frontoian bakarrik" egin daitekeela eta beste zerbait frontoian egin behar bada "pilotari ahalik eta kalte gutxien" egiteko eskatzen du: "Finalak jokatu eta gero egin zitzaketen lanak". Pena agertu du Azkoitiak, alebinetan bikote bat Bergarakoa izan –Gil-Pereira– eta ezingo dutelako etxean jokatu.
Kexa jasota, Udaletik diote brigadako langileen asteko lan jarduna astelehenetik ostiralera dela, eta gastu ekonomikoaz gain, antolaketa arazoak lekartzakeela lanok zapaturako uzteak. Gogora dakar, gainera, Bergaran frontoi gehiago badirela, eta ez direla erabiltzen.
Udaberriko finalak
Beñat Iñarra txapeldun atera zen; Julen Gallastegik, ordea, galdu egin zuen aurreko egubakoitzeko finala. Pilota eskolako finalak ere jokatu ziren.
