Alfredo Gonzalez Chirlaqueren zuzendaritzapean, Bergarako Orkestra Sinfonikoak bost piezako emanaldia eskainiko du. Game of Thrones telesaileko pieza, Albinoniren Adagio in sol minore, Sibeliusen Finlandia, Tchaikowskyren Zisneen lakua eta Kilometroak 2016rako konposatutako Hizkuntza erreinu pieza joko dute.
Oraingoan, San Pedron
Bergarako Stoltz-Frères Organoaren Lagunak elkarteak antolatzen dituen emanaldiak normalean Santa Marinako parrokian izaten dira. Oraingoan, baina, San Pedron izango da hitzordua. Beti bezala, eskuratutako dirua parrokia horretan aurkitzen den organoaren konponketarako bideratuko dute.