Udako ikastaroetan eta gazteen txapelketetan izena eman daiteke oraindik

Seigarren mailatik batxilergora arteko gazteentzat Kirol zerbitzuak antolatu dituen saskibaloi, frontenis, eskubaloi eta padel txapelketetan izena eman daiteke oraindik. Bestetik, Agorrosingo udako ikastaroetan ere izen-ematea zabalik dago. Beste zenbait ohar ere eman dituzte Kirol zerbitzutik.

Jolas igerileku eta berdegunearen ordutegia

Ekainaren 20tik abuztuaren 14ra bitartean, udako igeritokiaren ordutegia 10:00etatik 20:30era izango da. Abuztuaren 15etik irailaren 11ra, 20:00etan itxiko dute igeritokia. Irailaren 12tik 15era, 16:00etatik 20:00etara egongo da zabalik.

Ikasturteko ikastaroen azken astea

Aste hau da ikasturteko ikastaroen azkena. Datorren astetik aurrera udako ikastaroak hasiko dira martxan. Parte-hartzaileei gogorarazteko oharrak:

  • 2016/17rako izen-ematea zabalik dago.
  • Aste honetan, jump fit (eguaztenean, 19:15ean) eta core express (martitzenean, 20:00etan) jardueren doako sustapen saioak.

Udako gazte txapelketak

Kirol zerbitzuak Lehen Hezkuntzako 6. mailatik hasi eta batxilergoraino, txapelketak antolatuko ditu hainbat kiroletan. Guztiak Agorrosinen bertan egingo dira, frontenisekoa izan ezik; hori, Udal-pilotalekuan egingo da.

  • Saskibaloia: ekainaren 27tik uztailaren 1era; izena, ekainaren 21era arte.
  • Frontenis: uztailaren 4tik 8ra; izena, ekainaren 27ra arte.
  • Eskubaloia: uztailaren 11tik 15era; izena, uztailaren 4ra arte.
  • Padela: uztailaren 18tik 22ra; izena, uztailaren 11ra arte.

Udako ikastaroak

Ondorengoak dira ikastaroak eta bakoitzean dauden lekuak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.