Mahaiak eta aulkiak alokatzeko aukera egongo da San Martzialgo erromerian

Josu Bilbao Atxutegi 2016ko eka. 9a, 11:00

Gainera, jaia jasangarri egiteko neurrien artean Udalak ingurumen kita emango du, hau da, mahai bakoitzarekin 8 edalontzi berrerabilgarri eta hondakinak gaika biltzeko poltsak banatuko dira. Jaia bukatu ondoren eta tokia garbi uzteko, hondakinak bilketa gunera eraman beharko dira, egoki banatuta.

Alokatzeko baldintzak:

- Eskatzaile bakoitzak ezingo du 5 mahai baino gehiago eskatu.

- Egindako eskaerarekin agiri bat emango zaio eskatzaileari. Agiri horretan alokatutako materiala zein den zehaztuko delarik

- Mahai bakoitzaren alokairua: 28€.

- Eskatzaile bakoitzeko 150€ fidantza jarri beharko da eta hiru edo mahai gehiago eskatu ezkero 300 eurokoa izango da fidantza.

- Mahai, aulkiak eta edalontziak alokatzeko tokia, egunak eta orduak: ekainaren 16tik 22ra (biak barne), astegunetan, Udaleko Ur zerbitzuko leihatilan (beheko solairuan), arratsaldeko 18:00etatik 20:00etara.

- Mahaiak, aulkiak eta edalontziak hartzeko tokia, eguna eta orduak: Uztailak 2, larunbata, 17:00etatik 20:00etara, San Martzialgo zelaiko sarreran.

- Mahaiak eta aulkiak entregatzeko tokia, eguna eta orduak: San Martzialgo erromeriaren ondoren (uztailak 2) mahaiak eta aulkiak jasotzeko puntu konkretu bat jarriko da San Martzialen. Mahaiak eta aulkiak 18:30etik 21:30ak arte entregatu ahal izango dira. Materiala entregatzen duenari Udaleko seilua jarriko zaio.

- Edalontziak entregatzeko tokia, eguna eta orduak: San Martzialgo erromeriaren ondoren, edalontziak biltzeko Udalak postu bat ipiniko du irteeran eta edalontzia itzultzeagatik 1€ itzuliko da. Baita bertako bi txosnetan itzuli ahal izango da.

- Mahi eta aulkien fidantza jasotzeko tokia, egunak eta orduak: uztailaren 7tik 13era (biak barne) astegunetan, Udaleko Ur zerbitzuko leihatilan (beheko solairua) 18:00etatik 20:00etara. Alokatutako aulkiak, mahaiak eta edalontziak hartutako egoera berean eta 18:30etik 21:30era entregatzen ez dituenak, fidantza galdu egingo du.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak