Herri galdeketa

1979tik gaur arteko 50 zinegotzi inguru, erabakitzeko eskubidearen alde

Erabakitzeko eskubidearen alde azaldu diren Bergarako zinegotziak.

Bergaran, Erain Debagoienak deitutako galdeketari babesa agertzeko, 1979tik gaur egun arteko 50 zinegotzi inguruk adierazi dute erabakitzeko eskubidearen alde daudela, argazki historiko baten bitartez. Antolatzaileak "oso pozik" gelditu dira zinegotzien aldetik jasotako babesarekin eta azpimarratu dute "oso positiboa" izan dela, "kolore ugaritako" jendea azaldu delako.

Antolatzaileek adierazi dute, herritik kanpo bizi diren zinegotzi izandakoekin kontaktuan jartzea ez dela izan batere erraza, eta sentitzen dutela, guztiei zuzenean gonbidapena iritsi ez baldin bazaie, baina ahaleginak egin dituztela ahalik eta gehien elkartzeko.

"Oso pozik gaude 50 zinegotzi elkartu direlako. Arazo handia izan da guztiekin kontaktuan jartzea, baina oso positiboa izan da kolore ugaritako jendea biltzea", azaldu du Erain Debagoienako Aitor Erañak.

Gaineratu du baita ere argazkian azaltzen ez diren hiru lagunek ere nahi izan dutela euren babesa erakutsi, baina ezin izan zirela argazkirako bertaratu. Horiek dira alkate izandako Jaione Isazelaia eta Agurne Barruso, eta Irabaziko Aiert Lizarralde.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.