Hala, karpapean taberna eta parrila-gunea izango dira, eta mahaiak jarriko dituzte bertan afaldu ahal izateko. Ondoren, zuzeneko musika izango da. Bertaratzeko gonbidapena Kirol Elkarteko jokalari, zuzendaritzako kide, entrenatzaile, familiarteko eta zale guztiei zabaldu nahi izan diete.
Zapatua, egun handia
Zapatuan, futbol eskolako azken urteko neska-mutikoekin arteko futbol txapelketa izango da goizez seminarioan. Eguerdian, txapelketako sari banaketa eta trikitilariekin girotutako poteoa.
Gero, bazkaria egingo dute karpapean. Txartelak salgai daude Ariznoa, Bule eta Depor tabernetan. Nagusienak 20 eurotan eta gazteenak 15 eurotan.
Arratsaldean, denboraldiko sari banaketak, zozketak eta jokoak izango dira. Eguna amaitzeko, karpan afaltzeko parrilada egingo dute, eta horren ostean, DJ jaia izango da. Antolatzaileek BKEko arroparekin joateko dei egin dute.