Txirrinka ekimenaren amaiera ekitaldia domekan izango da, Bergaran

Txirrinka egitasmoa.

Txandakako bizikleta martxaren lau zutabeak Hendaia, Muskiz, Gasteiz eta Iruñetik abiatuko dira, eta Euskal Herriko geografia zeharkatu ondoren Bergarako AHTren korapiloan elkartu eta helmugaratuko dira.

Lurra zaindu, eredu soziala eraldatu! AHT eta proiektu txikitzaileak borrokatu! lelopean maiatzaren 20, 21 eta 22an Txirrinka ekimena burutuko da.
 
Txirrinkaren bukaera maiatzaren 22an, Bergarako Angiozar auzoan izango da, AHTren lanen ondoan, bertan kokatzen baita EAEko hiru hiriburuak lotuko lituzkeen "erokeria xahutzaile horren muina", antolatzaileen arabera.
 
Amaierako egitaraua honako hau izango da:
 
12:00. Lau zutabeen elkartzea, Bergarako Labegaraietako polikiroldegiko aparkalekuan.

12:30. Martxa manifestazioa Bergara-Angioza.

13:30. Ekintza sinbolikoa AHT lan eremuaren ingurua.

14:00. Amaiera ekitaldia Angiozarko pilotalekuan izango da. Bertan lau lekukoekin batera datozen idazki laburren irakurraldia izango da, propio idatzi duten egileen eskutik: Jasone Mitxeltorena Nafarroa, Juan Ibarrondo Araba, Amaia Agirre Gipuzkoa eta Fredi Paya Bizkaia. Txirrindula eder baten zozketa ere burutuko da.

14:30. Herri bazkaria, ondoren Sebastoleko Titiriteroek dantza saioa, sokatira, abeslariak eta musika.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.