Domekan, eguerdiko hamabietan elkartuko dira hiru herrietatik etorritakoak Elosuan, eta bertan erabakitzeko eskubidea irudikatuko dute guztien artean. Jana eta edana ere ez dira faltako. Bergaran, Udal Pilotalekutik irtengo dira Elosurantz, goizeko hamarretan elkartuta.
Mus txapelketa
Egubakoitzeko mus txapelketa 22:00etatik aurrera izango da Deporren. Izen emateko 20 euro ordaindu behar ditu bikote bakoitzak. Debagoieneko txapelketako kanporaketa da, eta parte hartzaileek maiatzaren 21ean Aretxabaletan jokatuko den finalerako sailkatzeko aukera izango dute.
Lehenengo eta bigarren bikoteak, finalerako sailkapenaz gain, beste sari bat ere eramango du etxera: trofeoa, ardoa eta hestebeteak.