Osintxuko kofradixetan jotzeko lehiaketa musika taldeendako

Iraila hasieran Kofradixak ospatuko dituzte Osintxun, eta jai batzordean hasiak dira honezkero data horri begira gauzak antolatzen. Nobedade modura, jaietan kontzertua emateko musika taldeen arteko lehiaketa bat deitu dute, Osintxun musikara! izena duena.

Izen ematea zabalik dago, eta taldeak maiatzaren 31ra arte apuntatu daitezke. Jai batzordearen helburua Euskal Herriko musika taldeei aukera bat ematea da. Edonork, talde zein bakarlari, eman dezake izena lehiaketan.

Bi fasetan

Lehiaketa bi fasetan banatuko da: lehenengoa epaimahaiaren aurre hautaketa izango da, eta bigarrena hautaketa horretatik irtendako sei talderen zuzeneko emanaldia irailaren 2an, egubakoitza, Osintxuko jaietan.
Kofradixetan zuzenekoa eskaintzeko aukeraz gain, irabazleak 500 euroko saria eramango du etxera eta bigarrenak, berriz, 200 eurokoa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.