Kumite modalitateko Espainiako txapelketa jokatu da asteburuan Murtzian, eta bertan izan dira Bergarako Shotokan taldeko Unai Nogales eta Aritz Sabalza, Euskal Selekzioarekin batera. Bientzat lehen aldia izan da txapelketa horretan parte hartu dutena, eta zortzigarren egin dute euskaldunek. Hala ere, Joxean Iñarra entrenatzaileak aipatu du "esperientzia ona" izan dela.
Joxean Iñarrak azaldu du, lehen aldia izanik, bergarar gazteak "urduri" egon zirela. Andaluziar eta Madrildar selekzioen ordezkarien aurka borrokatu zuten, eta emaitza desiotakoa izan ez arren, ikasteko eta proba egiteko aukera ona izan dela nabarmendu du entrenatzaileak. Azaldu du euskal federazioak benjamin eta alebin mailatan ez duela Espainiako txapelketan parte hartzen, eta alde horretatik aurkariek "abantaila" zutela.
Dena den, aipatu du Euskal Selekziotik esan dietela "posible dela datorren urtean errepikatzea", eta horrenbestez, Iñarrak uste du abagune polita izan daitekeela "emaitza hobeak" lortzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
