Pilotari bergararrak Iñaki Artolaren aurka neurtuko ditu indarrak, Buruz Buruko txapelketaren final zortzirenetan. Artolak eroso irabazi zion Untoriari aurreko asteburuan eta faborito bezala aterako da kantxara. Hala ere, Rezustak etxean jokatzen du eta zaleen babesa izango du bere alde.
Pilota jaialdi profesionala izango da gaur gauen Bergarako Udal pilotalekuan. Beñat Rezustak etxekoen aurrean egingo du debuta aurtengo buruz buruko txapelketan. Iñaki Artola Alegiako aurrelaria izango du aurrez aurre eta irabazleak final laurdenetarako txartela eskuratuko du.
Rezusta da txapelketa osoan bizirik geratzen den atzelari bakarra. Artolarentzat txapelketako bigarren partidua izango da. Pasa den zapatuan erraz irabazi zion Alvaro Untoria atzelari errioxarrari (22-8), eta bera da apustuetan faborito.
Jaialdia 22:00etan hasiko da eta guztira hiru partidu jokatuko dira. Aipatutako partidu nagusiaz gain, Merino eta Arteaga II eta Tainta eta Irusta arituko dira nor baino nor.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
