Osintxuko jaiek azken urteotan jarraitu duten ibilbidea ikusita kofraixa tradizionalei berrikuntzak egiteko garaia dela ikusi dute eta Osintxun Musikara! musika talde desberdinen arteko lehiaketa antolatu dute.
Izen-ematea apirilaren 25etik maiatzaren 31ra bitartean egin ahal izango da mezu bat bidaliz osintxunmusikara@gmail.com helbide elektronikora (xehetasun gehiagorako ikusi lehiaketako oinarriak Facebooken/ Osintxun Musikara! orrian).
Lehiaketa bi fasetan banatuko da: lehenengoa epaimahaiaren aurre hautaketa izango da eta bigarrena aurre hautaketa horretan aukeratutako 6 taldeen zuzeneko emanaldia irailaren 2an, ostirala, Osintxuko jaietan.
Irabazleak 500 euroko saria eramango du eta bigarren postuan geratzen den taldeak 200 eurokoa.
