San Martin plazako arkupeetan jarriko dituzte Domeka Azokako postuak eguraldiagatik

Aurretik egindako Domeka Azokako irudi bat.

Oraingo domekan egingo dute Domeka Azokako beste ekimen bat. Berezitasunak izango ditu, gainera. Batetik, bigarren eskuko bizikletak (mendikoak, errepidekoak, haurrenak…) saltzeko saiakera berezia egingo da. Bizikleta saltzeko daukanak izena emana du Agorrosinen eta bizikleta horiek salduko dira domekan; bestalde, zapatuan liburuaren nazioarteko eguna denez, Jardun Euskara elkarteak liburu baten irakurketa publikoa egingo du bertan. Azken ohar bat, Udaletik: eguraldi txarra iragarrita dagoenez, arkupeetan (seminario eta udaletxe aldean) jarriko dira postuak. Horregatik, izena emanda zuten guztiek ezin izango dute parte hartu, "arkupeetan, 25 postu bakarrik sartzen dira-eta".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.