Edukiontziak sutan Kruz Gallastegi kalean

Bergarako Udaltzaingotik azaldu dutenez, gauerdian Kruz Gallastegi kaleko bizilagun baten deia jaso du Ertzaintzak, edukiontzi bi sutan zeudela esanez. Hasiera baten herritarrak saiatu dira sua itzaltzen, baina suhiltzaileak bertaratu behar izan dira eta sua itzaltzea lortu dute. Edukiontzi urdin eta hori bana dira erretakoak.

Bergarako Udaleko obra eta zerbitzuetako zinegotzi eta Debagoieneko Mankomunitateko ingurumen arduradun Lander Arregik adierazi du Ertzaintzaren hipotesia dela "ekintza puntual" bat dela, "intentzioz egindakoa", baina ez estrategia politiko baten barruan. Hau da, gertatutakoak edukiontzien ezarpenarekin zerikusirik ez lukeela izango.

Izan ere, aurretik ere beste edukiontzi erreketa kasu batzuk gertatu dira-eta Bergaran. "Pertsona baten kontua" da, adierazi du zinegotziak.

Bergarako Udaletik horrelako ekintzak "penagarritzat" jo dituzte eta "aurrerantzean horrelakorik ez gertatzea" espero dutela adierazi dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.