Lehen batzarrean, eraberritze prozesuaren lehen fasetik jasotakoarekin egin zen Abian txostenaren tesi eta ildo orokorrari baiezkoa eman zioten. Euskal Herrian parte hartzaileen %81ak hurrengo urteetako lehentasuna herri prozesu independentista martxan jartzea izan behar dela onartu du, antolakundeak ohar bidez azaldu duenez. Bigarren batzarrean eztabaidatu eta ekarpenak jaso zituzten.
Biharko azken batzarrean, berriz, Euskal Herri mailan 6000 pertsonak proposatutako alternatibak bozkatuko dituzte. Jarraian, gai nagusiak: "Desobedientzia zibilak izan behar duen garrantzia eta ezaugarriak", "Preso politikoen defentsarako antolakunde berria sortu ala ez", Ezker Abertzalea 9 antolakundez osatutako blokea izatea edo ez".
Bi orduko batzarraren ostean luntxa izango da Pol-Pol tabernan.