'Apirilean musika': gaur hasita ekintzaz eta emankizunez betetako hamabostaldia

Musika Eskolaren zikloa kantu ikasleen emanaldiarekin hasiko da: popa, musikalak, opera, bakarlariak... askotarikoak entzuteko aukera izango da. Bestalde, domekan eta aurten hirugarrenez, ikasle eta herritarrei Udal Musika Bandan dauden haizezko instrumentuak gerturatzea helburu duen kontzertua egingo dute; horretarako, umeentzako pelikuletako musikarekin programa berezi bat dute prestatuta. Gero, aste osoan –baita hilaren 22tik 30era– ekintza ugari egongo dira.