Udaberriko kirol festa, Kirola Kalera eta bizikleta zaharren eta ziklismoko materialaren erakusketa

Bihar, zapatua, udaberriko kirol festa Agorrosinen, 17:00etatik 20:00etara: master class-a, areto txirrindularitza, krossfit-a, zumba... Gaur amaitzen da izen-ematea. Domekan, berriz, Kirola Kalera; bizikleta martxak, begiraleekin: 09:00etan, mendi bizikleta; 10:00etan, emakumeentzako txangoa; 10:30ean, familientzako (kaskoa behar da). Horrez gain: 10:30ean, trail lasterketetarako hastapen saioa; eta 11:00etan, patin martxa bidegorritik, bizikleta eliptikoak eta elektrikoak, ginkanak eta jolasak eta gosari osasungarria. Dena Labegaraieta kiroldegian. Azkenik, Garai bateko bizikleta erakusketa, hilaren 19tik 24ra, udaletxean.