Eskualdeko enpresa-sarean parte hartzeko Enpresarek gonbidapena luzatu die enpresei

Enpresen eta baita inguruko eragileen gaur egungo lehiakortasuna hobetzea da helburua, lankidetza bermatzen duten proiektuen bitartez.

2012. urtean jarri zen martxan Enpresare ekimena, Antzuola, Bergara eta Elgetako enpresek krisia dela eta jasandako ondorioak gainditzeko asmoarekin.

Egun, Gipuzkoako Foru Aldundiko Ekonomia Sustapeneko, Landa Inguruneko eta Lurralde Orekako Departamentuak eskainitako laguntzari esker, Enpresarek aro berri bat hasiko du proiektu-sortze eta garatze prozesua bizkortzeko xedearekin eta, horretarako, bailarako enpresen parte hartzea bilatu nahi du.

Zertarako nahi da sarea sortu?

- Partaideentzako interesa duten elkarlaneko proiektuak abian jartzeko.

- Orientazio praktikoa eta ekintza hautemangarriak garatzeko.

- Eskualdeko networking sarean parte hartzeko.

- Prozesuan zehar etengabeko kanpo zuzendaritza profesionala.

- Lurraldearen garapenerako ekarpena.

Zeintzuk dira emango diren pausoak?

1. Abiaraztea Proiektuan parte hartuko duten enpresa sarearen eraketa.

2. Bakarkako interesak, gaitasunak eta balio katea Enpresa bakoitzaren interes.

3. Elkarlanerako aukera guneak Elkarlanean egon daitezkeen aukera gune zehatzen.

4. Aukera guneen gauzatzea Planifikazioa eta ekintza planen abiaraztea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.