Hitzaldia iragartzeko eta zertaz izango den azaltzeko Etxaditik bidalitako oharrak dio guraso biek –bi direnean– "inplikatu" behar dutela seme-alaben "hezkuntzan eta hazkuntzan", erantzukizunak partekatuz: "Medikuarenera eraman; irakasleak deitzen dituen bileretara joan; parkera, igerilekura eraman; ipuin bat irakurri; higiene, elikadura edo ikasteko ohiturak ezarri; arau eta mugak jarri.... Batik bat, horrek guztiak gure alaba edota semeen garapenari mesede egiten diolako".
"Seme-alabek gurasoen hurbiltasuna sumatzea" ere inportantea da: "Beraien lehentasunak eta nortasuna ezagutu; esateko dutena entzun; sentitzen duten horri izena jarri; esperientziak, bizipenak konpartitu; babesa adierazi eta laguntza eskaini; gatazka-egoerak ebazten lagundu...".
Hitzaldira joatekoak diren gurasoei Udaletik eskatzen diete izena ematea (943-77 91 26 eta 943-77 91 65), gela egokitzeko.