Udaleko Ongizate Zerbitzuak Gipuzkoako Foru Aldundiarekin elkarlanean Erlajazio teknikak: estresa bideratzen, lasaitzen ikasteko izeneko doako ikastaroa antolatu du, Sendian Programaren baitan. Mendekotasuna duten adineko pertsonekin bizi diren familiei laguntzeko helburua duen programa da Sendian.
Ikastaro honen helburua zaintza jardueraren ondorioz sortu ohi den nekea askatzen ikastea da, "buru-pentsamendu, emozio mailan eta gorputz mailan ere". Saioetan, azalpen teorikoak ariketa praktikoekin tartekatu dira.
Agorrosingo ekintza gunean izango da ikastaroa, eta sei egunetan burutuko dituzte saioak: apirilean, hilaren 15ean, 22ean eta 29an, arratsaldez izango dira, 15:00etan hasi eta 17:30era.
Maiatzean, goizez egingo dituzte saioak. 6an, 13an eta 20an izango dira hitzorduak, 10:00etatik 12:30era.
Izena Bergarako Gizarte Zerbitzuan eman daiteke doan, udaletxeko bigarren solairuan, edota 943779165 telefonora deituta edo ongizatea@bergara.eus helbide elektronikora mezu bat idatzita.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak