Pentekoste jaietako zapirako marrazki lehiaketa martxan dago

Apirilaren 27a izango da marrazkiak aurkezteko azkeneko eguna. Marrazkiarekin batera euskararen aldeko lema labur bat eraman beharko du marrazkiak.

Lehiaketaren oinarriak:

- Edonork har dezake parte, adin mugarik gabe.

- Marrazkia A4 formatuan aurkeztu behar da, zuri-beltzean.

- Nahi beste marrazki aurkeztu daitezke.

- Marrazkiaren gaia: jaiekin lotutakoa.

- Marrazkiarekin batera euskararen aldeko lema labur bat jarri behar da.

- Lanean ez da egilearen daturik jarriko. Egilearen datuak (izen-abizenak, adina, telefonoa eta helbidea) kartazal itxi batean sartuko dira eta kartazal hau eta marrazkia, beste kartazal handiago batean sartuko dira. E-mailez bidaliz gero, bi fitxategitan bereizi: alde batetik marrazkia eta bestetik egilearen datuak.

- Lanak aurkezteko azken eguna: apirilak 27 (asteazkena).

 - Lanak JARDUNeko bulegoan aurkeztu (Errotalde jauregia z/g – kultur etxea) edo jardun@topagunea.com helbidera bidali beharko dira.

- Saria: 60€

- Saria eman gabe gera daiteke, epaimahaikoek horrela erabakitzen badute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.