ArcelorMittalen Bergarako lantegiak "orain arte legez jarraituko du lanean"

Bergarako lantegia.

ArcelorMittalek bukatutzat eman du euskal lantegietan egin duen berregituratzea. Multinazionalak jakinarazi duenez Bergarako eta Olabarriako lantegiek "normaltasunez" jarraituko dute, behintzat oraingoz.

Bergarako lantegiak 168 langile ditu eta "bestelako berririk ez dagoenez", orain arte legez jarraituko dutela lanean adierazi dute.

Astean jakinarazi du ArcelorMittalek Zumarragako lantegiko "ekoizpenaren zati bat etengo" duela. Hango 325 langileak beste lantegi batzuetan birkokatzeko negoziatzen dabil orain multinazionala. Bergaratik eroandako 43 langilek ziharduten Zumarragan lanean, nahiz eta ofizialki Bergarako lan-taldeko kide izaten jarraitzen zuten.

Zumarragako langileekin zer gertatuko den ez dago argi. Azken berriek diotenez Bergarara eta Olabarriara langile gutxi batzuk bakarrik joan ahal izango dira; gainerakoei, Asturiasera joatea proposatuko diete.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.