Otsailaren 7ra arte egongo da ikusgai Aroztegin Buztinzale zeramika elkartearen erakusketa. Hamalau lagunen 50 pieza inguru egongo dira ikusgai –elkarteakoak eta izan gabe zeramikan jarduten duten herriko beste batzuk–: ohiko eran egindakoak, raku erakoak –egosketa modu berezi bat–, paretan jartzeko pieza batzuk –plantxa batean erliebez egindakoak: platerak...– eta eskulturak.
Urtero egiten dute erakusketa Buztinzale zeramika elkartekoek, azken hamabi hilabeteetan egindako piezekin. Hamar lagun dira elkartean, eta ateak zabalik dituzte buztinarekin jardun nahiko lukeen edonorentzat. Zabalotegiko dorrean dute egoitza.
Aroztegiko erakusketa irekita egongo da martitzenetik egubakoitzera 18:00etatik 20:30era, zapatuetan 12:00etatik 14:00etara ere bai eta domeketan goizez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.