Ertzaintzak gomendatu du ezezagunen proposamenik ez onartzea

Sare sozialetan zabaldu da, arratsaldean, Bergaran, haur bat "bahitzen" ahalegindu direla. Ertzaintzan galdetuta, azaldu dute ustezko biktimaren gurasoak ertzain etxera joan direla esanez gizonezko ezezagun bat gerturatu zaiola euren 10 urteko semeari, berarekin joan nahi zuen galdezka. Ertzaintzatik adierazi dute, datu horiekin, esan dezaketela "gonbidapen" bat egon dela, baina ez "bahiketa ahalegin" bat.

Emandako informazioaren arabera, Ibargarai kalean izan da gertaera, eta "haurra kale horretan dagoen ingeles akademia batera sartu da, ezezagunak esandakoarekin beldurtuta".

Salaketarik ez dago; edozein kasutan, ertzainek gomendatu dute ezezagunen proposamenik ez onartzeko mezua helarazteko adin txikikoei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.