Euskal Herriko triatloilari koadrila polita Agorrosinen batuko da bihar

Xabier Urtzelai 2016ko urt. 15a, 13:32

Ez da izango lasterketa, irabazlearendako ez dako aparteko saririk, baina hilabete asko dira lehia barik, eta negua luze egiten da inongo pizgarri barik. Hala, iaz Oñatiko triatloi taldekoek antolatutako igeriketa topaketaren erreleboa Antxintxikak hartuko du bihar, zapatua (Agorrosin, 16:00), 100x100 igeriketa desafioaz.

Aloña Mendi Triatloi Taldea, Getaitri, Añorga, Nik3tri, Eibar, Triku, Oarso, Sp3swin eta Antxintxika. Talde horiek egongo dira bihar Bergarako desafioan ordezkatuta: "Desafioaren helburua da neguan kirol apur bat egiteko batzea. Orain arte egin duen eguraldiaz jendeak ondo entrenatu ahal izan du bizikleta gainean, edo korrika. Baina igerilekuan ere lanak ondo bete behar dira denboraldia ondo prestatzeko, eta zapatukoak lagunduko du apur bat motibatzeko", adierazi du Antxintxikako ordezkari Jon Zuloagak.
 
"Pikea egongo da, seguru"
Desafioaren helburua da talde bakoitzak, erreleboka 100 metrotako 100 tirada egitea: "Topaketa bat da, lagunartean ibiliko gara baina seguru pikeren bat egongo dela", dio barrez. Eta ondoren luntxa egingo dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak