Jende ugarik egin die harrera Errege Magoei Bergarako kale bazterretan. Kultura etxe paretik abiatu da kabalgata 19:00etan, eta ume eta nagusien begiradapean zeharkatu dute herria, zaldiz, Meltxorrek, Gasparrek eta Baltasarrek, plazan amaitzeko.
130 lagun inguruk parte hartu dute, artzain, tronpeta eta danbor jotzen, paje eta soldadu, errege estimatuekin batera.
Agurrak eta goxokiak banatu dituzte Errege Magoek, herritarrengandik jasotako maitasunaren truke. Eta kabalgata amaituta, parrandarako garaia batzuentzat, etxeratu eta, bihar altxatzean topatuko dituzten oparien zain, ilusioz gainezka oheratzekoa laster beste batzuentzat.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.