Txuri-urdinek irabazi dute berriki hildako Bergarako futbol eskolako entrenatzaile Aitor Mujikaren omenezko alebin mailako torneoa. 3-1 irabazi dio Realak Durangoko Culturali finalean. Eibar sailkatu da hirugarren, eta Bergara laugarren.
Elkarren aurka 20 minutuko partiduak jokatu dituzte; maila aparta egon da torneoan, eta ikusle asko batu dira Ipintzan.
Aitor Mujika Mutxi-ren senideei loreak eta oroigarria eman dizkiete –argazkietako batean, futbol eskolan Mutxirekin jardun zutenekin–, eta semeak Realarekin jokatzeko aukera eduki du Bergararen –bere berezko taldea– kontrako partidua.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.